घर पाना ब्लग

नेपाल स्वयंसेवक संघ गुल्मीले गर्यो अर्जुन डाडा सरसफाइ

0

अनिष पन्थी गुल्मी असार १३

नेपाल स्वयंसेवक संघ जिल्ला कार्य समिति गुल्मीले आज एक कार्यक्रमका बिच गुल्मीको एतिहासिक धार्मिक एवं पर्यटकिए स्थल अर्जुन डाडामा सरसफाइ कार्यक्रम समपन्न गरेको छ। मौसम  प्रतिकुलताको बाबजुद  कोरोनाको कहरको बेलामा सामाजिक दुरि कायम गरि  सस्थाले सरसफाइ कार्यक्रम समपन्न गरेको छ । यो सस्थाले  नेपालभर अहिलेसम्म ६० जिल्लामा समिती बिस्तार  गरेको र २० भन्दा बढी जिल्लामा कार्यक्रम समपन्न गरेको र यस बर्ष बाट गुल्मी जिल्लामा पनि गठन भइ सामाजिक कार्यक्रम गर्नको निमित्त लागिपर्ने सस्थाका अध्यक्ष चुरामणी पाण्डेले जानकारी दिनुभएको छ।पहिलो चरणमा आज अर्जुन डाडा सरसफाइ गर्ने र त्यसपछि गुल्मीको विभिन्न धार्मिक एवं पर्यटकिए स्थलहरुमा  सरसफाइ साथै सामाजिक काम गर्ने अध्यक्ष पाण्डेले बताउनु भएको छ। कार्यक्रममा सम्पुर्ण कुरा प्रस्ट पार्दै अध्यक्षले भनेउक्त संस्थाले स्थानीय तह देखि केन्द्र सम्म कहि कतै नेपाली नागरिकले बिना डरधम्की स्वतन्त्रता को महसुस गर्न सक्ने वातावरण सिर्जना गर्नु, आफ्नै देशमा रोजगारीको अवसर प्राप्त गर्न सक्ने वातावरण बनाउन सम्बन्धित निकायलाई खबरदारी गर्नु, बाँचौ र बचाऔँको अबधारणालाई  व्यवहारमा उतार्न प्रयत्न गर्नु, देशमा कुनै किसिमको बिकृती अन्त्य गर्न प्रयत्नगर्नु,चोरिडकैती,घुसपैठ, बलात्कार जस्ता आपराधिक क्रियाकलाप नेपाल स्वयंसेवक संघले गुल्मी जील्लामा पूर्ण रुपमा अन्त्य गर्ने बताए ।यो सस्था निस्वार्थ सामाजिक काम गर्ने उदेश्यले जिल्लामा ल्याइएको र यस सस्थामा कुनै किसिमको राजनीतिक नहुने सस्थाका सचीव दिपेन्द्र खत्रीले जनकारी दिनुभएको थियो ।सरसफाइ कार्यक्रममा सस्थाका उपाध्यक्ष कल्पना घर्ती ,सचिव दिपेन्द्र खत्री ,सह-सचिव सरस्वती बिक, सह-कोषाध्यक्ष पबित्रा पाण्डे ,सदस्यहरु  अर्जुन थापा,सीता घिमिरे ,र मनिषा खनालको उपस्थित रहेको थियो।

नेकपा र कांग्रेसका ६० कार्यकर्ताले गरे राप्रपामा प्रवेश

0

चितवन : नेपाल कम्युनिष्ट पार्टी नेकपा र प्रमुख प्रतिपक्षी नेपाली कांग्रेसका ६० जना कार्यकर्ता राष्ट्रिय प्रजातन्त्र पार्टी (राप्रपा)मा प्रवेश गरेका छन् ।
राष्ट्रिय प्रजातन्त्र पार्टी (राप्रपा) निकट युवा संगठन ‘ राष्ट्रिय प्रजातान्त्रिक युवा संगठन चितवन’ को बुधबार (आज) भएको युवा भेला तथा पार्टी प्रवेश कार्यक्रममा कांग्रेसका ३५ र नेकपाका २५ जना युवाहरुले पार्टी प्रवेश गरेका हुन ।

राप्रपा जिल्ला सभापति तथा युवा संगठन चितवनका अध्यक्ष सरोज घिमीरेको अध्यक्षतामा भरतपुर ११ भोजाडमा भएको उक्त कार्यक्रममा विभिन्न बुद्धिजीविहरुको बाक्लो उपस्तिथी रहेको थियो।
राप्रपा चितवन जिल्ला पार्टी अध्यक्ष दिलीप पाण्डेको प्रमुख आतीथ्यता सम्पन्न सो भेला तथा कार्यक्रममा जिल्ला उपाध्यक्ष पिताम्बर आचार्य , उपाध्यक्ष जीबलाल पुरी,जील्ला सदस्य जगदिश अधिकारी , एसान अन्सारी , सीताराम छतकुलि,प्रदेश सभा सदस्य ज्ञान जंग लामा लगायतको सहभागीता रहेको थियो ।

गुल्मीमा जिप दुर्घटना एकको मृत्यु

0

अनिष पन्थी 
गुल्मी, असार ६ – गुल्मीको धुर्कोट गाउपालीका वडा नम्बर ३ हाडहाडेमा पहिरोले गाडी पुर्दा १ जनाको मृत्यु भएको छ । २ जनाको अवस्था गम्भीर रहेको छ । देउराली यातायातको अर्घाखाचीको मालारानी, हाडहाडे हुदै धनमुडा जादै गरेको ग १ ज ३९९७ नम्बरको गाडि चुने ओडार भन्ने स्थानमा पहिरोले पुरेको हो । ६ जना सवार जिप पहिरोले पुर्दा दुर्घटना भएको इलाका प्रहरी कार्यालय पुर्कोट दहका प्रहरी निरिक्षक पकंज चुदालीले जानकारी दिनुभयो । ज्यान गुमाउनेमा धुर्कोट ३ हाडहाडे मल्ज्याङका अन्दाजि १८ वर्षका तुल्सीराम काउछा रहेका छन ।
यस्तै सोहि ठाउकै गाडी चालक प्रदिप पुन र रमेश राना गम्भीर घाइते भएका छन । उनिहरुलाई उपचारको लागि सन्धीखर्क लगिएको छ । ३ जनाको अवस्था सामान्य रहेको छ । केशव काउछा ,खिम बहादुर काउछा र बिशाल काउछाको अवस्था सामान्य रहेको प्रहरी निरिक्षक चुदालीले बताउनुभयो ।

गुल्मीमा पनि काेराेना भाइरस विरुद्धकाे रोग प्रतिरोधात्मक होमियोप्याथिक औषधी वितरण

0

बुटवल ४ ,अषाढ / रिया बस्नेत

बिश्व मानब जगतलाई प्रत्यक्ष असर पारिरहेकाे कोराेना भाईरस    अर्थात (काेभिड-१९) राेगको लागि उपयोगी हुने होमियोप्याथिक आर्सेनिक एल्ब ३० नामक औषधी मारवाडी सेवा समितिले नेपालका विभिन्न ठाउँहरुमा निःशुल्क बितरण गरेकाे छ ।

बुटवल उद्योग वाणिज्य संघसँग समंन्वय गरि गुल्मीमा पनि भाइरस विरुद्धकाे रोग प्रतिरोधात्मक होमियोप्याथिक औषधी वितरण गरिएको छ । जिल्ला सदरमुकाम तम्घासमा रहेकाे रिडर्स पब्लिक हाई स्कूलको व्यवस्थापनमा भाइरस विरुद्धको औषधी वितरण गरिएको बिद्यालयका प्रिन्सिपल श्रीप्रसाद भलामीले बताए।

बिहिबार देखि बितरण सुरु गरिएकाे एकै दिनमा १ हजार जनालाई ६ हजार पिस औषधी निःशुल्क वितरण गरिएको  भलामीले जानकारी दिए । खासगरी कोरना उपयोगी भनिएको यो औषधि सबै खालका रोग प्रतिरोधात्मक क्षमता बढाउने औषधिको रुपमा  बितरण गर्दै आएका छन ।

अन्य रोगसंगै कोरना संक्रमको जोखिमलाई न्यूनीकरण गर्न सक्ने यो औषधिलाई नेपाल सरकारले प्रोटोकलमा राखेको छ । कोराेना महामारीको अवस्था थप जटिल र भयावहक हुन नदिन यो औषधि उपयोगी हुने बताएका छन । बच्चा देखि बृद्धसम्म दिर्घ रोगी सबैले खान मिल्ने रोग प्रतिरोधात्मक क्षमता बढाउने औषधीको रुपमा प्रमाणित भइसकेको छ । यो औषधी आइसोलेशनमा रहेका बिरामीलाई पनि खुबाउन सकिनेे हुँँदा  जिल्लामा यस औषधिकाे माग अत्यधिक बढेकाे भलामी बताउँछन ।

यो औषधि खासगरी भारतमा उत्पादन हुने गर्दछ । विश्वका १ सय ८० देशले यो औषधि प्रयोग गर्ने गरेको चिकित्सकहरुले बताएका छन् ।सन् १९१८ मा भएको स्पेनी फ्लुमा पनि यस्तै प्रकारको होमियोप्याथिक औषधि विभिन्न देशमा खुवाइएको थियो । त्यतिबेला यो औषधि सेवन गर्नेमध्ये जम्मा एक प्रतिशत मानिसमात्र उक्त फ्लुबाट मरेकाेे पाइन्छ ।

डिप्रोक्स लघुबित्तद्धारा वडाध्यक्ष मार्फत विपन्न परिवारलाई खाद्यान्न तथा स्बास्थ्य सामग्री प्रदान

0

बुटवल ४, असार

रुपन्देहिकाे सिद्धार्थनगरपालिका वडा नम्बर १२ मा शाखा कार्यलय रहेको डिप्रोक्स लघुबित्त वित्तिय संस्था लिमिटेडले वडाध्यक्ष मार्फत विपन्न परिवारलाई खाद्यान्न तथा स्वास्थय सामग्री प्रदान गरेको छ ।

उक्त संस्थाले करिब ३० हजार मूल्य बराबरको चामल , दाल , तेल, हेन्डवास , मास्क सिद्धार्थनगरपालिका १२ का अध्यक्ष करुन्जन कुमार श्रेष्ठलाई प्रदान गरेेका हुुन ।

उक्त संस्थाका शाखा प्रबन्धक देवानन्द कुमार साहनीले भन “हाम्रो संस्थाले सिनपा १२ मा रहेका १५ घर परिवारलाई सहयोग दिनेगरी वडाध्यक्षलाई उक्त सामग्री हस्तान्तरण गरेका छौं । उक्त सामग्री उहांले वडाका अति विपन्न परिवारलाई प्रदान गर्नुहुनेछ । ’

डिप्रोक्सले दिएको सहयोग कोभिड १९ को कारण भएको लकडाउनले गर्दा अत्यन्तै प्रभावित र अति बिपन्न भएका घरपरिवारलाई प्रदान गरिने वडाध्यक्ष श्रेष्ठले बताए ।

नेपाली कांग्रेस गुल्मी द्वारा सरकारलाई ग्यापन पत्र

0

अनिष पन्थी गुल्मी असार २,
नेपाली कांग्रेस गुल्मीले आज एक कार्यक्रमका बिच प्रमुख जिल्ला अधिकारी समक्ष सरकारलाई ग्यापन पत्र बुझाएको छ।देशमा बढदो जातीय बिभेदको अन्त्य,कोरोना भाइरसको जोखिमलाई लाई मध्यनजर गर्दै rdt परिक्षण भरपर्दो नभएको भन्दै pcr परिक्षणलाई जोड दिन, देशमा बढदै गएको भष्टचारलाइ अन्त्य गर्न भष्टचारिलाइ कार्बाही गर्न माग ,त्यस्तै क्वारेन्टाइनको ब्यबस्थापन लगायत देशमा पछिल्लो क्रममा भएका घटनाप्रती ध्यानाकर्षण गराउदै जिल्ला प्रशासन कार्यलय गुल्मीमा ग्यापन पत्र बुझाएका छ्न । ग्यपन पत्र बुझाउदै नेपाली कांग्रेस गुल्मीका सभापति भुबनप्रसाद श्रेष्ठले देशमा पछिल्लो क्रम भएका घटना र क्वारेन्टाइन व्यबस्थापनमा देखिएको फितिलोपना pcr परिक्षणको दायरा नबढाइएको  प्रती नेपाली कांग्रेस गुल्मीको गम्भीर ध्यानाकर्षण रहेको बताउनु भएको छ ।ग्यापन पत्र बुझदै प्रमुख जिल्ला अधिकारिले उक्त ग्यापनपत्र समबन्धित निकाएमा पुर्याउइने जानकारी दिनुभएको छ। कार्यक्रममा नेपाली कांग्रेस गुल्मीका सचीव खिल्धोज पन्थी,सचिव बिस्नुकुमारी सापकोटा ,नेपाली कांग्रेस रेसुङ्गानगरपालिका गुल्मीका  नगरसभापती छवि पाण्डे , लगायत  नेपाली कांग्रेस सङ्ग आस्थावान व्यक्ती ,भात्री सङगठनका पदाधिकारीहरुको सहभागी रहेको थियोे ।

स्वयंसेवक संघ गुल्मी बाट सचिव मा खत्री

0

गुल्मी  ।नेपाल स्वयंसेवक संघ, गुल्मी बाट सचिब पदमा दिपेन्द्र खत्री मनोनित भएका छन् ।उनी सचिबमा मनोनित भएपछी खत्रीले आफुले पाएको जिम्मेवारी मन वचन र कर्मले पुर्ण रुपमा कटिबद्ध भएर निभाउने बताएका छन ।

नेपालका करिब ६०जिल्लामै शाखा बिस्तार गरेकाे यश सस्था गुल्मीमा पनी रहेकाे छ।उक्त संघले स्थानीय तह देखि केन्द्र सम्म कहि कतै नेपाली नागरिकले बिना डरधम्की स्वतन्त्रता को महसुस गर्न सक्ने वातावरण सिर्जना गर्नु, आफ्नै देशमा रोजगारीको अवसर प्राप्त गर्न सक्ने वातावरण बनाउन सम्बन्धित निकायलाई खबरदारी गर्नु, बाँचौ र बचाऔँको अबधारणालाई  व्यवहारमा उतार्न प्रयत्न गर्नु, देशमा कुनै किसिमको बिकृती अन्त्य गर्न प्रयत्नगर्नु,चोरिडकैती,घुसपैठ, बलात्कार जस्ता आपराधिक क्रियाकलाप पूर्ण रुपमा अन्त्य गर्न प्रयत्नशील रहनु जस्ता उदेश्यहरु रहेका छन् ।

त्यस्तै पुर्ब सचिबमा मनाेनित भएका पन्थीले आफुले पाएको जिम्मेवारी पुर्ण रुपमा कटिबद्ध भएर निभाउन नसकेपछि उनले राजीनामा पत्र बुझाएका थिए।

नब नियुक्त मनोनित भएका दिपेन्द्र खत्री गुल्मी जिल्ला मा पत्रकारीता साथै विभिन्न सामाजिक संघ संस्थामा सक्रिय रुपमा आबद्ध रहेकाे उक्त संस्था का अध्यक्ष चुरामणी पाण्डेले जानकारी दिए।

चाँदनी, एक प्रेम कथा | श्याम घर्तीमिरे | याम बिस्वाकर्मा

0

चाँदनी, १ असार २०७७

श्याम घर्तीमिरे | याम बिस्वाकर्मा

बि.स.२०६६ पौष महिनाको १ गते म क्याम्पस बिदामा घर गएको अनि ऊनी पनि दिदिको घर आएकी। साझपखको समयमा घर पुगे। घर पुग्न साथ छिकेकी भाउजुले मगाएको औषधि पुर्याउनु गए। “नमस्कार भाउजु”, भन्दै भित्र प्रवेश गरे, मलाई देखेपछि भाउजु ले भन्नू भयो,”कति बेला आइपुग्नु भयो बाबू?, ल आउनुस बस्नुस।” भाउजू खाना बनाउदै हुनुहुन्थ्यो। म गएर भान्सा कोठाको खातमा बसे। दाई बिदेशमा, भाउजु एक बर्षदेखी सासू ससुरा बाट छुट्टीएर एक छोरा र एक छोरी संग छुट्टै घरमा बस्नु हुन्थ्यो। “केटाकेटी खोइ त भाउजु”, मैले सोधे। “माइतबाट बहिनीहरु आएका छन्, उनीहरु संगै उता कोठामा छन् बाबू”, भाउजुले फर्काउनु भयो। “ल सबैजना यहाँ आउ” भाउजुले बोलाउनु भयो। केटाकेटी आए नमस्ते अंकल भनेर भाउजुको छेउमा गएर बसे। मैले उनीहरुको लागी लिएको चक्लेट दिए। “खै दिदिहरु, भित्र बोलाइ”, भाउजुले छोरालाई भन्नु भयो। तीन जना केटिहरु भित्र आए र एउटा कुनामा गएर बसे। मेरो कारण उनीहरुलाई असहज भएको महसुस मलाई भयो त्यसैले  “ल भाउजु म जान्छु, धिला भैसक्यो, लिनुस यो औषधि”, भन्दै म बसिरहेका ठाउँबाट उठे।” एकछिन पख्नु न बाबु, बहिनिहरुले लिएको कोसेली खाएर जानु होला।, चाँदनी ऊ तेरो औषधि, बाबुले ल्याई दिनु भएको छ।”, भाउजूले चाँदनी तिर हेरेर भन्नू भयो।

क्याम्पसमा साथिहरुमाझ केटिका सुन्दरताका कुरा हुन्थे । कहाँ को कस्ती, केटी कति राम्री भन्ने कुरा त भै नै रहन्थ्यो । मेरा साथीहरुलाई आधुनीक पहीरनमा सजीएका तरुनीहरु मन पर्थे सायद । सधैं यस्तो कपडा लगाएकी, उस्तो कपडा लगाएकी भनेर कुरा गरि रहन्थे । हुन त म संग सुन्दरताको निश्चीत परिभाषा थिएन , तर पनी मेरा साथीहरुको कुरा ले मलाई सुन्दरताको आभाष कहिल्यै दिलाएनन्। चाँदनीलाई कुर्ता सलवारमा देख्दा सायद स्वर्गकी परि यस्तै हुन्छन होला भन्ने लागेर आयो । सेता गोरा अनुहार भएको धेरै देखेको थिए तर हल्का काली काली देखीने त्यो बाटुलो अनुहारमा छुट्टै चमक थियो । चाँदी सेतो भए पनी  पहेँलो सुनको चमक धेरै सुन्दर भए झैँ, त्यो मुहारमा छुट्टै जादु थियो। गोलो मुहारमा ठुलाठुला काला गहिरा आँखा हेरिरहने भने सम्मोहित भएर मान्छेले होस हवास गुमाउने निश्चीत थियो। त्यी मृग नयनी आँखाहरु बाटुलो मुहारमा बडो जतनसाथ सजाइएका जस्ता देखिन्थे। आँखाका परेलीहरु झिम्काउदा लाग्थ्यो कि सिंगो सृष्टिले नयाँ ब्रह्माण्डलाई जन्म दिनेछ, फेरि नयाँ सृष्टि सुरु हुने छ। मध्यम आकारका अधरहरु, सिपालु शिल्पकारले आफ्नो सबैभन्दा उत्तम रचना उसको मुर्तिमा खोपेको झैं लाग्थ्यो, कही कतै खोट नभेटिने । भित्र रहेका मोती जस्ता दन्तहरु, उनी बोल्दा चलचित्रमा हिरोइललाई स्लो मोसन सट, अनी हिराइनको ओठको चलाइ स्लो मोसनमा देखाइएको झै आभाष हुँदै थियो । त्यही अधरमाथी रहेको नाकले बडो स्याहारका साथ गहनामा रत्नहरु जडान गरिएको आभाष दिँदै थियो। अनी, तलसम्म लत्रीएका केशराशी । उनलाई देखे पछी लाग्यो , सायद युवतीको सुन्दरता उनको सरलतामै हुने रहेछ । न कुनै श्रृंगार पटार न कुनै महँगा आभुषण र वस्त्र तर उनी जत्तीको सुन्दर मलाई यो संसारमा अरु कोही लागेन।

म उनिमा हराउदै थिए। “लिनुस बाबु” भाउजुले थालिमा विभिन्न परिकार राखेर मलाई दिनु भयो। लोकल चामलको खट्टे, मह मिसाइएको लट्टे, सेलरोटी, लगायतका अन्य कुराहरू पनि थिए। म सबै खने कुराको मज्जाले स्वाद लिएर त्यहाँ बाट निस्किए। भोलिपल्ट दिउसो म ठुलो अवाजमा गित गाउदै कोठाबाट निस्किदा उनिहरुलाई मेरो घरको पिँढीमा आमा संग कुरा गरेर बसिरहेको देखेपछि म शरमिन्दा भए। म घरभित्रै व्यस्त भए जस्तो गरे उनिहरु सामु जान सकिन। एकछिनमा सानी नानी मेरो छेउमा आइन् र सोधिन् ,”चाँदनी दिदिले भन्नुभएको हिजो हजुरले ल्याईदिनु भएको औषधिको कति पैसा हो रे?” मैले उनितिर हेरेर जवाफ दिए,”पैसा दिनु पर्दैन रे भनिदेउ ल दिदिलाई।” उनी हुन्छ भन्दै त्यहाबाट गइन। साझपख म घुम्दै भाउजुको घरमा पुगे, भाउजुले बोलाउनु भयो।”बाबु, किन पैसा नलिनु भएको?” भाउजुले सोध्नु भयो। मैले ठट्यौली सैलिमा जवाफ फर्काए,”त्यति औषधि को पनि के पैसा लिनु त भाउजू, बरु हजुरको बहिनीहरुले लिएको कोसेली खाइयो, त्यसको पो भाडा तिर्नुपर्ने हो कि?” भाउजुको नजिकै भएकी चाँदनी लजाईन मात्र, केहि बोलिनन्। “खोइ बाबू, बहिनीलाई सोध्नु”, भाउजुले त्यस्तै सैलीमा फर्काउनु भयो। “हजुरकी बहिनी हामी संग बोले त घट्लिन नि भाउजू”, चाँदनी तिर हेरेर भने उनी अझै पनि केही बोलिनन्।

भोलिपल्ट म सहर फर्किनु पर्ने थियो। म तयारी भएर घरबाट हिडे। किन किन पाइलाहरु भाउजुको घर तिर बटारिन थाले, मनलाई मनाउन नसके पछी म भाउजुको घर पुगे।  सबै जना आगनमा बसिरहेका थिए। भाउजुले भन्नू भयो,”जान लाग्नु भएको बाबू?”,मैले फर्काए,”हजुर भाउजू”। भाउजुले फेरि भन्नू भयो,”एक छिन् है बाबु, अलिकति तरकारीहरु बनाईदिएकी छु लिएर जानू”; ” जा त चाँदनी भित्रबाट प्लास्टिकमा पोको बनाएको तरकारी लिएर आइज” भाउजुले चाँदनीलाई आदेस दिनु भयो। उ भित्र बाट प्लास्टिकको पोको लिएर भाउजु को छेउ गई। भाउजुले उसलाई लाई भन्नू भयो, “उता बाबुलाई दे न”। उ मेरो छेउ आई र दुई हातले पोको मलाई दिएर गई, म भने उसको  चित्र मनको भित्तामा सजाउदै थिए। म त्यहाबाट त दुरि लम्बाउदै थिए तर मनलाई भने चाँदनीले प्रकर्षित गरिरहेकी थिइ। मनमा उसको कुरा खेलाउदा खेलाउदै सहर आइपुगेको पनि पत्तै भएन। कोठामा आए, उसको स्पर्श महसुस गर्न उसले दिएको पोको सुमसुमाएर लामो समय बिताए।

एक-दुई हप्ता बितिसक्दा पनि उसको झझल्को अलिकति पनि कम भएन। म दुई हप्ता पछि एकदिनको लागी फेरि गाउँ गए र घरमा एकछिन पनि नबसी भाउजुको घर पुगे, म सहर फर्किएको भोलिपल्ट उनिहरु पनि फर्किएका रहेछन्।  “लिनुस बाबु चाँदनीले हजुरको लागी छोडेको” भाउजुले कागज दिनु भयो। हतार हतार खोले, कागजमा केही लेखिएको थियो र हजार रुपैया पैसा पनि थियो, पढ्न थाले,”घरबाट आउँदा औषधि लिन बिर्सेछु, सायद हजुरले यो औषधि नल्याई दिनुभएको भए मलाई धेरै गाह्रो हुन्थ्यो। हजुरलाई धेरै धेरै धन्यवाद मैले यो औषधिको पैसा छोडिदिएकी छु। अनि बोलिनी भनेर घमण्डी नसम्झिनु होला।” भाउजुले सोध्नु भयो,”के रहेछ बाबू?, मलाई हेर्दै नहेरेर दिनु भनेकी थिई।” मैले फर्काए,”चिठी रैछ भाउजू”। म ढिला नगरी घर आए। उसको चिठी पटक पटक पढे, उसले लेखेको प्रत्येक शब्दमा उसलाई चित्रण गरे। निकै लामो समय सम्म उसको चिठी हेरिरहे। भोलिपल्ट भाउजुले थाहा नपाउने गरि उहाँको मोबाइलबाट चाँदनीको फोन नम्बर र केही फोटो मेरो मोबाइलमा सारे। त्यसपछि को दिनमा उसको फोटो मेरो साथी बने। उठेबाट नसुट्ने बेला सम्म कयौं पटक उसको फोटो हेर्ने गर्थे। करिब एक महिना पछि चाँदनीलाई फोन गरे, ५ कल सम्म त उसको “हेल्लो,हेल्लो” मात्र सुनिरहे, ६ कलमा सहास जुटाएर बोले। उ संग कुरा गर्न पाउँदा म निकै खुसी थिए, उ पनि केहि हदसम्म खुसी नै थिई सायद। उसंगको कुराकानीले हामी बिचको दुरि कम बनाउदै थियो।

महिनौं सम्म कुरा हुदा पनि मैले आफ्नो मनको कुरा उसलाई भन्ने आत गर्न सकेन। चाँदनीको बारेमा धेरै कुरा जन्न सकियोस् भन्ने सोचाइले म भाउजुलाई पनि फोन गरिराख्थे। भाउजुसंग पहिलेदेखि नै जिस्किरहने भएकोले चाँदनीप्रति को मेरो भावना उहालाई भन्न कुनै अफ्ट्यारो भएन।

भाउजुले भन्नू भयो,” देखेको होइन, लेखेको चाहिन्छ भन्छन। यदि तपाइँको भाग्यमा लेखिएको छ भने चाँदनीसंग तपाईंको मिलन अवस्य हुनेछ।” भाउजुको कुरामा म आसाको महल ठड्याउदै थिए।

दाइ भाउजुले परिवारको अनुमति बिना भागेर बिबाह गर्नु भएकाले ठुलो बाबु जन्मे पछि मात्र भाउजुको माइतीले उहाहरुको वैवाहित  सम्बन्ध स्वीकार गर्नु भएको थियो कारण दाईको घरको अबस्था भाउजुको माइतीले सोचे जति सम्पन्न नहुनु। मेरो घरको अवस्था पनि दाईको भन्दा फरक थिएन, यस् कारण पनि म चाँदनीको लागी योग्य छैन भन्ने कुराले सधै झस्काइ रहन्थ्यो तर मलाई सारा संसार जितेर उ संग खुसी खुसी जिन्दगी जिन्दगीको गोरेटोमा संगै हातेमालो गर्नु थियो। एक दिन भाउजूको कुराले म झस्किए, भाउजुले भन्नु भएको थियो,”चाँदनीको मुटुमा सानो प्वाल छ र जतिसक्दो छिटो त्यसको उपचार गर्नुपर्छ।”

यो कुरा सुने पछि म निकै दुखित भए। यस् बारेमा मैले चाँदनी संग केहि पनि सोधिन् र उसले पनि केहि भनिन। धेरै पढ्ने र देशमै केहि गर्ने मेरो सिद्धान्तलाई जित्दै दिमागमा बिदेश गएर छिटो पैसा कमाउने सोचाइको बिकास हुन थाल्यो। मेरो सोच यति मात्र थियो कि बिदेश गएर कमाएको पैसाले चाँदनीको उपचार गर्छु र उसको हरेक इच्छा र आवश्यकता पूरा गर्दै बाकी जिन्दगी उ संगै हासी खुसी बिताउछु। केहि बर्ष बिदेश बसेर पैसा कमाए पछि चाँदनीका बुबा आमाले मलाई ज्वाईं स्वीकार गर्ने कुरामा पनि म विश्वस्त थिए। सायद उहाहरुको पनि सोचाइ यस्तै थियो होला; छोरीको बिहे सम्पन्न परिवारमा होस, छोरीलाई कुनै कुराको कमि नहोस्, छोरीले दु:ख नपाओस। अबको मेरो सोचाइ भनेको जतिसक्दो छिटो बिदेश गएर पैसा कमाउनु थियो।

बि.स.२०६८ मा म कोरिया जानको लागी EPS को तयारी गरेर परिक्षा दिए। खुसीको कुरा म पहिलो प्रयासमा नै नाम निस्काउन सफल पनि भए। बि.स.२०६९ मा वैदेशिक यात्रा तय गरे। म कोरिया पुग्न साथ चाँदनी संग सम्पर्क गर्ने बाताबरण नमिले पनि केहि समय पछी सबै कुराको तालमेल मिल्न साथ चाँदनी संग सम्पर्क गर्ने प्रयास गरे तर महिनौं सम्म प्रयास गर्दा पनि सम्पर्क हुनै सकेन।

पाँच बर्षको कोरिया बसाईमा मैले हरपल उसलाई सम्झिए, हरपल उ मेरा आँखा वरिपरि घुम्थी। मैले जति दु:ख गरे, जति पैसा कमाए त्यो सब उसंग संगै हुनको लागी थियो। बि.स.२०७४ मा म नेपाल आए। भाउजू बच्चाहरु पढाउन शहर बस्न थाल्नु भएछ। म दुई पटक उहाँसंग भेट भए, दुइचोटी नै चाँदनीको बारेमा सोधे तर उहा चाँदनीको बरेमा केहि बोल्नै चाहनु भएन। नेपाल आए देखी  मैले उसलाई धेरै ठाउँमा खोजे तर कहिँ भेट्न सकेन। हामीहरु एकअर्काको लागी नाम जस्तै भयौं म सागर; उसको लागी मेरो माया सागर जस्तै गहिरो र उ चाँदनी; जसरी चाँदनीले धर्तीलाई स्पर्श गर्छ त्यसरी नै उ म देखी धेरै टाढा भएपनी उसको यादले मलाई स्पर्श गरिरहेका छन्।

आज बि.स.२०७७ बैशाख १२ गते, कोरोना भाइरसले गर्दा नेपाल लगायत धेरै देशहरु लकडाउन छ। हुन त मैले उसलाई याद नगरेको दिन छैन तर यो लकडाउनले उसको याद नराम्रोसंग बल्झाई दिएको छ। यही सत्य हो कि आज उ मसंग छैन, यहि सत्य देखी डर लाग्छ र यसैलाई स्वीकार्न बाध्य छु। सात बर्ष भैसक्यो तर उ कहाँ छे, कोसंग छे, कस्तो अवस्थामा छे, के गर्दै छे केही पनि पत्तो छैन। तरपनी उसको खोजीमा आखाहरु कहिले थकित भएनन्। उसको पर्खाइमा मन कहिले पनि अघाउने छैन, सास रहुनजेल तिमिलाई पर्खी रहने छु चाँदनी।

लेखन: श्याम घर्तिमिरे, याम बिस्वकर्मा

अडियो :

नेपाल स्वयंसेवक संघ गुल्मी जिल्लाको अध्यक्षमा चुरामणी पाण्डे

0

अनिष पन्थी गुल्मी जेठ २९
गुल्मी जिल्लामा आज सामाजिक दुरि कायम गरि नेपाल स्वयंसेवक संघको गठन गरिएको छ केन्द्रिय  रहेको यो सस्थाको स्थापना २०७६ भदौ १४ गते कपिलवस्तु जिल्लामा एक कार्यक्रम गरि सुरु भएको थियो   जन्ताको निस्वार्थ सेवा ,सामाजिक काम हत्या हिंसा बलात्कार  बिरुध आवाज उठाउने र राष्ट्र  सेवा गर्नको लागि
उक्त सस्थालाई गुल्मीमा पनि गठन गरिएको नेपाल स्वयंसेवक संघ गुल्मीका अध्यक्ष चुरामणी पाण्डेले जानकारी दिनुभएको छ।यो सस्था नेपालभरका अहिलेसम्म ६० जिल्लामा  संगठनका बिस्तार गरिएको र २० भन्दा बढी जिल्लामा कार्यक्रम  गरिएको पनि उहाले बताउनु भएको छ।यो सस्थाको उपाध्यक्षमा  कल्पना घर्ती,कोषाध्यक्ष गोकर्ण पाण्डे,सह_कोषाध्यक्ष पबित्रा पाण्डे, सचिव अनिष उपाध्यय,सदस्यहरु अर्जुन थापा,सीता घिमिरे ,दिपेन्द्र खत्री ,शान्ता अर्याल रहनुभएको बताइएको छ।

रुपन्देहीको तिलोत्तमा १० कान्छीबजारमा ५ जनाको हत्या

0

बुटवल २७ ,जेष्ठ

रुपन्देहीको तिलोत्तमा १० कान्छीबजारमा ५ जनाको हत्या भएको छ । कान्छीबजारको मैनहवास्थित भैंसीफर्ममा काम गर्ने ५ जनाको हत्या भएको छ ।

तिलोत्तमा नगरपालिका वडा नं १० कान्छि बजारका कृष्ण पुनको गँगादेवी भैसी फर्ममा काम गर्ने ६ जना मध्ये ५ जना लाई हत्या गरि अर्का १ जना फरार रहेको वडा नम्बर १० का अध्यक्ष व्यासमुन थारुले जानकारी दिए ।

साेही फर्ममा काम गर्ने झपेन्द्र सिँजाली नाम गरेका पुरुषले १ जना महिला तथा ४ जना पुरुषको कोदालाले हानेर हत्या गरेको हुनसक्ने प्रारम्भीक अनुसन्धानबाट खुलेको प्रहरीले जनाएको छ। मृतकहरुको को हुन् भन्ने अझै खुलेको छैन । रुपन्देहीका प्रहरी प्रमुख प्रहरी उपरिक्षक हेम बहादुर थापाका अनुसार मृतकहरु तिलोत्तमाका स्थानीय कामदारहरु रहेको प्रहरीले जनाएको छ । मृत्यु हुनेहरुमा स्थानीय माधव मुसर, पोखराज मुसर, जानकी मुसर, करण चौधरी र आशिश चौधरी रहेका छन् । गोठँमा काम गर्ने पांँचैै जनाको शव हत्या गरि तन्नाले ढाकेर राखिएको अवस्था छ।

अहिले विहान विभत्स दृश्य देखेपछि प्रहरी चौकीलाई खबर गरि प्रहरी घटनास्थलतर्फ पुगेको छ । घटना बारे बुझ्न अहिले स्थानीय र प्रहरी घटनास्थालमा रहेकाे जिल्ला प्रहरी कार्यालय रुपन्देहीका प्रवक्ता खड्कबहादुर केसीले जानकारी गराउनु भएको छ ।

घटना बारे यर्थात विवरण आउन बाँकी छ ;

संवाददाता

618 पोस्ट0 टिप्पणी
89 पोस्ट0 टिप्पणी
82 पोस्ट0 टिप्पणी
10 पोस्ट0 टिप्पणी
5 पोस्ट0 टिप्पणी
0 पोस्ट0 टिप्पणी